Pas zotimit të kryeministrit Benjamin Netanyahu se lufta nuk do të ndalet deri në shkatërrimin e grupit militant të Hamas, ushtria izraelite ka vijuar bombardimet në Gaza edhe këtë të martë. Forcat e armatosura njoftuan se goditën 100 objektiva në jug të Rripit të Gazës gjatë 24 orëve të fundit duke përfshirë vendndodhjet ushtarake dhe boshtet e tuneleve në qendrën Jabalia dhe Khan Yunis në jug. Ndërsa operacionet tokësore vijuan pa u ndalur. Nga shpërthimet ministria e shëndetësisë në Gaza, e drejtuar nga Hamas, njoftoi se u vranë 241 persona dhe u plagosën 382 të tjerë. Por teksa ushtria e Izraelit po vijon përballjet me grupin e Hamas, luftime pati dhe përgjatë kufirit Izrael-Liban, ku forcat e Hezbollahut kryen të paktën tetë sulme ajrore në drejtim të bazave ushtarake izraelite. Si rrjedhojë u plagosën tetë ushtarë, njëri prej të cilëve në gjendje të rëndë. Kundërpërgjigja e artilerisë izraelite ishte e menjëhershme ku u goditën disa baza në pjesën e Linbanit jugor. Tensione pati dhe në Bregun Perëndimor, ku sipas Al Jazeras, një tjetër palesitnez u vra në kampin e refugjatëve Faëëar nga forcat izraelite, të cilat kryen një bastisje në këtë zonë. Situata ka shkaktuar shqetësim tek ndërkombëtarët, të cilët po I kërkojnë kryeministrit Benjamin Netanyahu një tjetër armëpushim. Pamjet: AFP