Lajmi I parë sot në mediat greke dhe ato izraleite nënshkrimi i marrëveshjes mes dy vendeve në Tel Aviv për për krijimin e “Mburojës së Akilit”, sistemi I ri shumë-shtresor i mbrojtjes ajrore dhe kundër-raketore të Greqisë. Programi kap një vlerë prej më shumë se 3 miliardë eurosh dhe synon të krijojë një “kupolë” mbrojtëse kundër avionëve, dronëve, raketave balistike dhe raketave cruise. Ndryshe nga një sistem i vetëm armësh, “Mburoja e Akilit” do të bashkojë radarë, raketa dhe qendra komandimi në një rrjet të përbashkët. Në zemër të tij do të jenë disa nga sistemet më moderne izraelite si I Barak MX që do të mbulojë distanca nga 35 deri në 150 kilometra, Spyder që do të përdoret kryesisht për mbrojtjen në distanca më të shkurtra në ishujt grekë, duke përfshirë destinacionet e njohura të pushimeve të vizituara nga shumë izraelit, ndërsa Për kërcënimet me rreze më të gjatë parashikohet edhe sistemi David’s Sling, i cili do të bashkëpunojë me raketat Patriot që Greqia disponon tashmë. Një rol kyç do të kenë radarët e rinj, të cilët do të identifikojnë shumë objektiva njëkohësisht dhe do të përcaktojnë shkallën e rrezikut.Sistemi do të përdorë edhe inteligjencën artificiale, për të analizuar në pak sekonda informacionet dhe për të ndihmuar në zgjedhjen e mënyrës më të shpejtë të reagimit.Në të njëjtin rrjet do të lidhen edhe sistemet e tjera moderne të forcave të armatosura greke, nga avionët Rafale dhe F-16 Viper, deri te fregatat Belharra dhe sistemet raketore.Athina synon që projekti të jetë plotësisht funksional brenda 35 muajve .Sipas Ministrisë izraelite të Mbrojtjes, bëhet fjalë për marrëveshjen më të madhe të eksportit të armëve në historinë e marrëdhënieve Izrael–Greqi. Paralelisht u firmos edhe një kontratë shtesë prej 26 milionë eurosh për sistemin Drone Dome, që do të mbrojë objekte strategjike nga sulmet me dronë.Kompanitë greke pritet të marrin rreth 700 milionë euro nga vlera totale e marrëveshjes përmes prodhimit, bashkëpunimit me kompanitë izraelite dhe transferimit të teknologjisë.“Mburoja e Akilit” është një nga programet më të mëdha të armatimit të Greqisë, me synimin për të ndryshuar në mënyrë rrënjësore mbrojtjen e hapësirës ajrore të vendit dhe mbrojtjne nga kërcënimet e mundshme. Greqia, Qiproja dhe Izraeli kanë forcuar koordinimin e tyre të sigurisë në vitet e fundit, mes tensioneve në rritje me Turqinë.