Evropa pa një rënie prej 14% të nivelit të saj të lindjeve në janar 2021 krahasuar me vitet e mëparshme - një rënie me gjasë e shkaktuar nga vala e parë e pandemisë Covid-19, sugjeron një studim i fundit i botuar në revistën Human Reproduction. Rënia ishte më e zakonshme në vendet ku sistemet shëndetësore kishin probleme. Lituania dhe Rumania panë rëniet më të mëdha - përkatësisht 28% dhe 23% - ndërsa Suedia, e cila nuk kishte izolim, pa norma normale të lindjeve. Studiuesit thonë se gjetjet mund të çojnë në "pasoja afatgjata mbi demografinë, veçanërisht në Evropën Perëndimore, ku ka popullsi të plakur". “Sa më të gjata ishin izolimet nga covid, aq më pak shtatzëni ndodhën në këtë periudhë, edhe në vendet që nuk janë prekur rëndë nga pandemia”, tha Dr Leo Pomar, i cili shkroi studimin. ‘Masat e distancimit social, frika në lidhje me virusin dhe kriza sociale dhe ekonomike e shkaktuar si pasojë mund të jenë “faktorë indirektë që luajtën një rol në vendimin e çifteve për të shtyrë shtatzënitë”, thuhet në raport. Në mars 2021, lindjet u kthyen në një shkallë të ngjashme me nivelin e para-pandemisë, që korrespondon me një rikthim nëntë deri në 10 muaj pas përfundimit të izolimeve thotë studimi. Por studiuesit thonë se ky rikthim nuk ka kompensuar rënien e lindjeve dy muaj më parë. Pamjet: AFP