Euforia e mbërritjes së ekipit Italian në finale e Euro 2020 ka përfshirë tifozët në Cuneo, të cilët shperthyen në festime duke thyer rregullat. Një prej tyre ishte edhe një shqiptar, që sipas mediave italiane ka hyrë i dehur në shesh me makinën e tij Fiat Punto duke u rrotulluar aty, e ka përplasur një motor me dy persona. Ngjarjen e regjistruan dëshmitarët me telefonët e tyre celularë, ndërsa shprehen të tronditur nga ajo që po ndodh. Incidenti ndodhi në sheshin Galimberti në Cuneo. Përplasja e dhunshme i hodhi në ajër djalin 20 vjecar që drejtonte motorin dhe vajzën 13 vjecare që ishte pasagjere. Makina, sic rrëfejne personat e pranishëm në vendngjarje, hyri në shesh me shpejtësi të madhe. Mësohet se adoleshentja ka pësuar një frakturë në fytyrë dhe është shtruar në spitalin e Cuneos. Ajo megjithatë është jashtë rrezikut për jetën. 25 vjecari shqiptar është shoqëruar në polici, ndërsa shumë shpejt pas incidentit të rëndë, pikerisht ne zonen ku ai ndodhi tifozët rinisën festimet.