Policia italiane ka arrestuar nënte persona te akuzuar për mbledhje fondesh për terroristët e Hamasit në Gaza. Gjatë më shume se dy viteve, eshte vërtetuar se qeliza e Hamas ne Itali kishte grumbulluar 7 milion euro. Paratë e mbledhura ne dukje si ndihme humanitare per civilët palestineze, thuhet në një deklarate e policisë, iu derguan grupit militant nëpërmjet një "sistemi kompleks të mbledhjes së fondeve". Krahas arrestimeve, policia thotë se ka sekuestruar më shumë se 8 milione euro asete si pjesë e hetimit. Policia thotë se të dyshuarit "akuzohen posaçerisht per kryerjen e operacioneve financiare nën dyshimin se kanë kontribuar ne aktivitete terroriste". Mes të arrestuarve spikat emri i Mohammad Hannoun, Presidenti i Shoqatës Palestineze në Itali, i cili cilësohet nga hetuesit si kreu i qelizës italiane te organizates. Hetimi filloi pas sulmit të Hamasit më 7 tetor 2023 në Izraelin jugor. Policia thotë se ka analizuar "një seri raportesh per transaksione të dyshimta financiare" qe perfshijne disa nga te dyshuarit në prag të sulmit. Hetuesit zbuluan një sistem "kompleks" të mbledhjes së fondeve, i cili kishte selinë ne Xhenova me degë në Milano, shtohet ne deklarate. "Të dyshuarit mblodhën donacione të destinuara per popullsine civile të Gazës, megjithate, doli se mbi 71% e këtyre fondeve u devijuan në arkën e Hamasit për të financuar krahun e tij ushtarak dhe për të mbështetur familjet e kamikazéve ose të atyre të ndaluar per terrorizèm", thuhet mê tej në deklaratën e policise.