Ajo e Luana D’Orazio është një tragjedi e dyfishtë që ka tronditur Italinë. 22 vjecarja u tërhoq nga rruli teksa punonte në një fabrikë tekstilesh në provincën e Pratos, një ngjarje që shokoi vendin, shkaktoi shumë dhimbje, por edhe tërhoqi sërish vëmendjen tek siguria në punë. Edhe më të thellë e bën dramën e familjes së Luanës fakti që ishte nënë e një djali 5 vjec, I cili mbeti jetim. Për të ndihmuar vogëlushin janë vënë në lëvizje institucione e shoqata të ndryshme, mes të cilave dhe fondacioni «Sosteniamoli Subito» , që kanë nisur një mbledhje fondesh. “ ne do të përpiqemi të bëjmë sa mundemi. Ngjarja e rëndë që I kushtoi jetën një nëne shumë të re, pervecse na zhyt në hidhërimin që sërish nuk mundëm ta luftojmë këtë fenomen e do të rëndojë në ndërgjegjet tona, nxjerr në pah nga ana tjetër brishtësinë e mjaft familjeve që gjenden papritur dhe pa patur asnjë faj, në vështirësi shumë të mëdha”, tha zv/presidentja e fondacionit, Paola Batignani, e cila përpara një viti humbi bashkëshortin, të cilin e zuri poshtë një ngarkesë 86 tonëshe në një fabrikë celiku. Të gjithë sakrificat tona në këtë jetë I bëmë për të, për Luanën e të vëllain, rrëfeu mes lotësh e ëma shtëpiake, që nipin do ta rrisë tani bashkë me të shoqin pensionist. Ajo shtoi se 22 vjecarja kishte sakrifikuar me punën në fabrikë vetëm për të birin.