“Ishte si një tsunami”, lumi i Misës në Itali, gat ii tharë deri përpara pak ditësh për shtatë orë rresht të enjten merrte ujin e shirave të rrëmbyer. Nuk vonoi shumë që zona rreth tij të përmbyteshin, me argjinraturat që nuk kanë mundur të përballojnë vërshimin e shfrenuar të ujit, baltës e mbetjeve. Gjithshka ndodhi shumë shpejt, rrëfen nëna e njerës prej viktimave, 25 vjecarit Andrea Tisba, që kishte zbritur në garazh të nxirrtë makinën përpara se ta merrte uji. Në ndihmë i kishte shkuar dhe i ati, Giuseppe dhe një fqinj i tyre. Asnjëri nga të tre nuk doli më gjallë prej andej. E gjithë kjo ndodhi në vetëm katër minuta, rrëfen Adriana Tisba. “Ishte sikur të qe carë ndonjë digë”, shton ajo. Zjarrfikësit, mbrojtja civile dhe vullnetarë po punojnë pa u lodhur për t`i ofruar personave të prekur nga përmbytjet në rajonin Marche. Kërkimet vazhdojnë atje për tre persona që ende konsiderohen të zhdukur, mes tyre edhe një 8 vjecar, Mattia, por shpresat duken të pakta.