Nicolas Redouane e Antoine Quirin, dy policët francezë të akuzuar për përdhunimin e një turisteje kanadeze në 2014, vijnë në gjykatën e Parisit për gjyqin e apelit. Në 2019, ata u shpallën fajtorë për përdhunimin e Emily Spanton, tashmë 41 vjeçare dhe u dënuan me 7 vjet burg secili. Në gjyqin e zgjatur e të zvarritur të çështjes,u tregua sesi dy policët elitarë anti-terrorizëm përdhunuan turisten kanadeze në selinë kryesore të policisë në Paris. Emily Spanton tha se një grup oficerësh policie jashtë detyre e kishin marrë për një shëtitje private në ndërtesën e policisë më 22 prill 2014, pas një nate alkooli në një bar irlandez të zonës. Rreth 80 minuta më vonë rreth orës 4 të mëngjesit, Spanton zbriste zbathur shkallët e stacionit, gjysmë e zhveshur, me syzet e humbura dhe me këpucët në dorë. Ajo ishte mbuluar me shenja e gërvishtje, që më tej do të dokumentoheshin në gjyq. Spanton kishte treguar te dy policët në hyrjen e ndërtesës se isthe përdhunuar nga dy, ndoshta më shumë oficerë, në një bisedë të cunguar pasi të dyja palët mezi kuptonin gjuhën e njëra-tjetrës.