Deputeti në koalicion me partinë e kryeministres Meloni në Itali, Ish-ministri i Brendshëm, Mateo Salvini, rrezikon të dënohet me 6 vite burg. Prokurori Publik në Palermo që po e heton për akuzat e rrëmbimit dhe refuzimit të dokumenteve zyrtare duke penguar zbarkimin në Lampedusa të Sicilisë të 147 emigrantëve të shpëtur në det në vitin 2019 kur ishte ministër i brendshëm. Kreu i Partisë Lega akuzohet se u privoi lirinë dhe abuzoi me postin gjatë incidentit të vitit 2019, kur urdhëroi të mos zbarkoheshin prej anijes 147 emigrantët e shpëtuar në Detin Mesdhe nga organizata "Open Arms". Ashtu si në të kaluarën edhe kur dëgjoi aktakuzën, Salvini që njihet për qëndrimin e tij të ashpër përsa u përket emigrantëve, theksoi se mbrojti Italinë me veprimet e tij. E para që reagoi pas kërkesës së prokurorit, vetë kryeministrja e Italisë, Giorgia Meloni, sipas së cilës “është e pabesueshme që një ish ministër i Republikës italiane rrezikon 6 vite burg pasi ka kryer punën e tij në mbrojtje të kufijve të kombit, siç e kërkon mandati i marrë. Është precedent shumë i rëndë vijon Meloni që të kthehet në krim detyra për të mbrojtur kufijtë italianë nga emigracioni i paligjshëm.