Ish-presidenti i Ukrainës Petro Poroshenko u prit sot nga mijëra mbështetës teksa përgatitej për seancën gjyqësore në Kiev. ai akuzohet për tradhti të lartë ndaj vendit. 56 vjeçari Poroshenko ka qenë president nga viti 2014 deri në 2019. të mërkurën gjykata vendosi se ai mund të qëndrojë i lirë gjatë kohës së gjykimit. Prokurorët kishin kërkuar paraburgim për Poroshenko ose liri në këmbim të garancisë prej 35 milionë dollarë. pavarësisht rrezikut se mund të arrestohej ai erdhi të hënën në Kiev, duke u zotuar so do ndihmojë vendin nga “pushtimi i mundshëm rus”. Poroshenko dhe mbështetësit e tij duartrokisnin dhe këndonin himnin kombëtar teksa gjykatësi Oleksi Sokolov dha vendimin e lirimit. Teksa qëndronte me bashkëshorten dhe disa deputetë të partisë së tij, Poroshenko tha: "Të dashur miq ju përgëzoj. Kam ardhur këtu të tregoj se ne nuk kemi frikë dhe se e vërteta është me ne”. Gjykata ka urdhëruar gjithashtu që Poroshenko të dorëzojë pasaportën e tij në mënyrë të mos largohet nga vendi. Poroshenko është një kritik i ashpër i presidentit aktual Volodymyr Zelensky, për të cilin thotë se “nuk po bën sa duhet për të parandaluar pushtimin rus”. Ai tha se autoritetet në Ukrainë tentuan ta diskreditojnë në sytë e të tjerëve edhe pse “askush nuk i besoi akuzat”.