Përpjekjet e Perëndimit për ta shkëputur Serbinë nga Rusia janë po aq të qarta sa edhe loja e Aleksandar Vucicin me të dy krahët. Që ta arrish të ndash lidhjen e tyre këtë duke forcuar personin që ruan marrëdhëniet midis Rusisë dhe Serbisë, duket se nuk ka shumë kuptim, mendon Kurt Volker, ish-ambasador i SHBA-së në NATO. “Me Vucicin ne kemi parë forcimin e nacionalizmit serb, përpjekje për të minuar Malin e Zi, për të mbështetur presidentin e Republikës Sërpska Millorad Dodik dhe për të minuar Bosnje e Hercegovinën...”, u shpreh ai për REL. Volker mendon se Perëndimi po shpenzon shumë energji tek presidenti serb, dhe kështu po rrezikon të humbasë ngadalë Bosnje e Hercegovinën, Malin e Zi dhe Maqedoninë e Veriut. “Ekziston një shprehje në SHBA, që ne shpenzojmë më shumë kohë për armiqtë sesa për miqtë. Vuçiq nuk është armik, por ne kalojmë më shumë kohë duke u marrë me marrëdhëniet me të, sesa duke promovuar vlerat demokratike, institucionet dhe reformatorët në pjesën tjetër të Ballkanit Perëndimor”, pohon ai. Ish ambasadori shpreh më tej bindjen e tij se Vuçic, në thelb, po përpiqet ta shndërrojë Serbinë - le të themi - në një Rusi në Ballkan. Kështu, ta bëjë një komb dominues në mesin e të tjerëve në Ballkanin Perëndimor, që luan me kartën e minoritetit serb në vende të tjera, duke u mbështetur në masë të madhe te Rusia, burimet e saj energjetike e Kisha Ortodokse Ruse, teksa tenton në të njëjtën kohë të ruajë një farë lirie dhe pavarësie.