Gjykatësi detyron ish presidentin e francës Nicolas Sarkozy të dëshmojë në gjyqin ku ish ndihmësit e tij akuzohen për keqpërdorim të fondeve publike. Sarkozy, i cili përfiton nga imuniteti presidencial në këtë rast, kishte thënë se nuk do të paraqitej si dëshmitar në këtë çështje pasi u gjykua dhe u dënua dy herë këtë vit në çështje të veçanta. Por gjykatësi tha se dëshmia e Sarkozy ishte "e nevojshme për të përcaktuar të vërtetën" mbi sondazhet e kryera kur ai ishte president dhe e urdhëroi atë të paraqitej më 2 nëntor në gjykatë. Të akuzuarit në këtë proces janë pesë ish ndihmës dhe aleatë të atij që udhëhoqi Francën midis 2007 dhe 2012. Ata përballen me akuza që variojnë nga favorizimi deri te konspiracioni dhe keqpërdorimi i parave publike për dhënien e kontratave të votimit me vlerë së bashku 7.5 milionë euro Prokurorët thonë se kontratat shpesh nënshkruheshin drejtpërdrejt duke shkelur ligjet franceze mbi financimin publik që kërkojnë procese tenderimi transparente dhe konkurruese. Kritikët e akuzuan Sarkozin se ishte "i varur" nga sondazhet e opinionit gjatë mandatit të tij 2007-2012, për çështje që varionin nga popullariteti dhe politikat e tij deri te perceptimet publike të Carla Brunit, këngëtares dhe ish-modeles me të cilin u martua gjatë kohës që ishte në detyrë.