Sulmet e minutave të fundit në Tel Aviv nga Irani, kanë bërë që presidenti i SHBA-së, Joe Biden të marrë vendimin e rëndësishëm. Ai ka urdhëruar menjëherë Ushtrinë Amerikane që të mbrojë Izraelin dhe të rrëzojë raketat e Iranit që janë drejtuar për në Tel Aviv. Izraeli ka ndezur sërish sirenat e luftës, teksa dhe disa shtete të tjera kanë reaguar duke e dënuar këtë sulm. Raketat “tronditën” qytetin e Tel Avivit, ku deri tani kanë humbur jetën 8 persona. Sulmi është marrë përsipër nga Irani, që ka pranuar se ka lëshuar raketat si hakmarrje për vrasjet e liderëve të Hamasit dhe Hezbollahut, e gjithashtu për qytetarët e Libanit e Palestinës. Daniel Hagari , zëdhënësi i Forcave të Mbrojtjes të Izraelit (IDF), u zotua se sulmi do të ketë pasoja. Ai shtoi se vendi mbetet në gatishmëri të lartë. “Ne jemi në gatishmëri të shtuar në mbrojtje dhe ofensivë, ne do të mbrojmë qytetarët e Izraelit. Ky sulm do të ketë pasoja. Ne kemi plane dhe do të veprojmë në kohën dhe vendin që do të zgjedhim,” thotë ai.