Irani ka ekzekutuar në publik me varje 35-vjeçarin, Mohsen Langarneshine, pasi u dënua për spiunazh dhe bashkëpunim me shërbimet e inteligjencës izraelite. Sipas agjencisë së lajmeve Mizan, e cila është e lidhur me gjyqësorin iranian, Langarnesin u akuzua për përfshirje në disa raste, përfshirë vdekjen e një koloneli të Gardës Revolucionare në vitin 2022. “Gjatë dy viteve që shërbeu si spiun. Ai ishte përgjegjës për mbështetjen e operacioneve terroriste dhe praninë në vendin e vrasjes së Sayyed Khodayi”, raportuan mediat shtetërore iraniane. Sipas të njëjtit burim, 35-vjeçari ofroi gjithashtu mbështetje operative për një sulm që synonte një qendër industriale në Isfahan, të lidhur me Ministrinë e Mbrojtjes. Media iraniane raportoi se i ekzekutuari “i pranoi të gjitha akuzat”. Disa orë para ekzekutimit, prindërit e 35-vjeçarit u gjetën jashtë burgut ku ai po mbahej dhe bënë një apel të fundit që djali i tyre të mos varej, një kërkesë që nuk u pranua.