Protestat kundër regjimit Iranian janë përhapur në më shumë se 100 qytete dhe qyteza në çdo provincë të Iranit duke u bërë edhe më të forta, ndërsa kundërpërgjigjia ndaj protestuesve është shtuar. Një grup i të drejtave të njeriut ka thënë se më shumë se 500 persona janë vrarë në protesta, sic raporton the times Sipas të dhënave të fundit nga agjencia amerikane e të drejtave të njeriut, 490 protestues dhe 48 personel sigurie janë vrarë. Përafërsisht 10,600 persona janë arrestuar. Shefi i policisë së Iranit, Ahmad-Reza Radan, tha më parë se forcat e sigurisë kishin “përshkallëzuar” konfrontimet me protestuesit. Radan i përshkroi ata që ishin përfshirë në demonstratat antiqeveritare si “rebelë” dhe tha se “arrestime të rëndësishme” ishin bërë gjatë natës. Qeveria iraniane nuk ka ofruar ndonjë shifër të përgjithshme të viktimave për demonstratat. Po sipas medias ndërkombëtare shtetet e bashkuara dhe Izraeli në këto kushte po diskutojunë të ndërhyjnë kundër regjimit të ajatollahëve. SHBA-të kanë kërcënuar se do ta godasin Iranin për vrasjen e protestuesve. Kryetari i parlamentit të Iranit paralajmëroi se nëse SHBA-të sulmojnë, Izraeli së bashku me ushtrinë dhe qendrat e anijeve amerikane në rajon do të bëhen objektiva për ta. Prokurori i përgjithshëm i Iranit tha se kushdo që proteston do të konsiderohej “armik i Zotit” – një vepër penale që mbart dënimin me vdekje – ndërsa Khamenei i ka cilësuar demonstruesit si një “grup vandalësh” që kërkojnë të “kënaqin” Trumpin.