Presidenti ukrainas Volodymyr Zelensky beson që presidenti i zgjedhur amerikan Donald Trump do t’i japë fund luftës me Rusinë pasi të bëjë betimin më 20 janar. Në intervistën e parë televizive për vitin 2025, Zelensky thotë se Trump është njëri i paparashikueshëm dhe se ai beson tek ky virtyt i njeriut që do marrë drejtimin e shtëpisë së bardhë. "Unë mendoj se ai është i fortë dhe i paparashikueshëm. Do të doja shumë që paparashikueshmëria e Presidentit Trump të zbatohej kryesisht për Rusinë dhe besoj se ai me të vërtetë dëshiron t'i japë fund luftës”, tha ai. Udhëheqësi ukrainas mbështet edhe idenë e vendosjes së paqeruajtësve nga Franca në Ukrainë për të garantuar një marrëveshje të ardhshme paqeje me Rusinë. Nga ana tjetër Zelensky pranoi se ushtria e Ukrainës po vuante, ndërsa Rusia nga ana tjetër ka shtuar sulmet në frontin e luftës.