Kryeministri, Edi Rama ka reaguar pasi u njoftua se Shqipëria ka marrë dritën jeshile për hapjen e negociatave për Grupkapitullin 4. “Një tjetër hap i rëndësishëm drejt anëtarësimit në BE”, shkroi kryeministri në Facebook duke shtuar se Grupkapitulli 4, “Agjenda e Gjelbër dhe Ndërlidhja e Qëndrueshme” përfshin kapitujt 14, 15, 21 dhe 27 përkatësisht “Politikat e transportit”, “Energjia”, “Rjetet trans-europiane” dhe “Mjedisi dhe klima”. Postimi i plotë: SHQIPËRIA NUK NDALET Një tjetër hap i rëndësishëm drejt anëtarësimit në BE Sot, më 11 qershor 2025, Shqipëria mori dritën jeshile për hapjen e negociatave për Grupkapitullin 4 – “Agjenda e Gjelbër dhe Ndërlidhja e Qëndrueshme”. Ky vendim i vendeve anëtare të BE konfirmon përgatitjen tonë dhe progresin konkret në rrugën drejt familjes europiane. Kapitujt përfshijnë: Politikat e transportit (Kapitulli 14), Energjia (Kapitulli 15), Rrjetet trans-europiane (Kapitulli 21), Mjedisi dhe klima (Kapitulli 27). Ky është një hap tjetër drejt Shqipërisë 2030, vend krenar i Bashkimit Europian