Sipas të dhënave të Institutit të Statistikave gjatë vitit 2022 është rritur përqindja e punësimit informal. Gjatë këtij viti të punësuarit në mënyrë informale në sektorin e biznesit ishin 28,2%, duke shënuar një rritje me 1.2 pikë përqindje krahasuar me një vit më parë. Punësimi rezulton të jetë rritur me 3,0% gjatë 2022, ndërsa shkalla e papunësisë për grup-moshën 15-74 vjeç është ulur me 0,6 pikë përqindje gjatë vitit të kaluar. E punësuar është rreth 65,0% e popullsisë së grupmoshës15-64 vjeç, 8,2% e kësja grupmoshe është e papunë dhe 26,8% është ekonomikisht jo aktive. Por ndonëse treguesit e punësimit gjatë vitit 2022 u përmirësuan, INSTAT vëren se është zgjeruar më shumë punësimi pa pagë në biznesin e familjes. Në vitin 2022 u raportuan 279,542 të punësuar në biznesin e familjes pa pagë, ose 28 mijë persona më shumë se në vitin 2021.