Infektimet me Covid në Itali janë në rritje. Mbi 36 mijë raste të reja u regjistruan në gadishullin Apenin nga data 14 deri më datë 20 shtator. Shifër kjo 17.3% më e lart se ajo e javës së kaluar, ku u konfirmuan afro 31 mijë persona të prekur. Infektimet sipas bluzave të bardha po vijon të përhapen me shpejtësi e po ashtu dhe shtrimet në spital janë shtuar. 2533 pacientë po marrin trajtim mjekësor pasi ndodhen në gjendje jo të mirë shëndetësore. Zona me numrin më të madh të shtrimeve në spital është Emilia Romagna, e ndjekur nga Veneto, Toskana e Lombardia. Ndërkohë nga ana tjetër, mediat italiane, raportojnë për shtim të rasteve në terapi intensive. Situata epidemiologjike në Itali nga Covid-19 gjatë muajit shtator ka ndryshuar pasi numri i të infektuarve ka ardhur duke u shtuar. Gjatë periudhës së pandemisë Italia ishte një nga vendet që u godit më së shumti nga virusi, pasi shënoi numrin më të madh të vdekjeve. Pamjet: AFP