SPAK dyshon se 12 zyrtarë shpërdoruan detyrën në bashkëpunim me njëri - tjetrin, dhe në mbyllje të hetimeve i kërkon gjykatës antikorrupsion që ti gjykojë si të akuzuar për Inceneratorin e Tiranës. Ish ministri i mjedisit Lefter Koka, ndaj të cilit ky është inceneratori i tretë që i prodhon një akuzë, por edhe ish zyrtarë ndaj të cilëve përsëriten akuzat janë edhe Pëllumb abeshi , Etleva Kondi dhe Erjon Murataj. të tjerët sic njofton zyrtarisht SPAK janë Bledar Karoli, Taulant Tusha, Namik Simixhiu, Alba Thoma, Valbona Ballgjini, Sidita Kopliku, Jetmir Llapaj dhe Silena Tola. SPAK deklaron se konstatoi shkelje të ligjit gjatë hetimit për kontratën koncensionare për ndërtimin e inceneratorit Tiranë, lidhur mes ministrisë së mjedisit dhe “Integrated Energy B.V SPV” me kosto të investimit gati 128 milionë euro. shtatë anëtarë të dhënies së Koncesionit akuzohen se bashkëunuan me ish ministrin , drejtoreshën juridike Alba Thoma dhe përgjegjësin e prokurimeve Bledar Karoli duke nisur nga propozimi I dhënies së bonusit pa përpiluar një raport përmbledhës. Spak njofton zyrtarisht se “në lidhje me procedurën e dhënies së koncesionit për ndërtimin e inceneratorit rezulton se shoqëria propozuese “Integrated Energy BV” në përbërje të së cilës është aksionere edhe shoqëria e shtetasit Klodian Zoto, “Integrated Technology Services” sh.p.k ishte në dijeni të rrethanave konkurruese para se të shpallej procedura”. Dhe dicka e tillë dyshohet se ka ndodhur me mbështetjen e të dyshuarve . Në dosjen e dorëzuar në gjykatë SPAK argumenton edhe mbi dokumentet standarde të koncesionit. Këto shkresa sipas hetimit të deritanishëm nuk rezultojnë të jenë hartuar dhe miratuar nga anëtarët e komisionit, në kohën që këto dokumente janë ngarkuar në Sistemin e Prokurimit Elektronik, pasi rezulton se nga ana e komisionit nuk është mbajtur mbledhje apo procesverbal “. Shkresat dyshohet se u hartuan nga punonjës në shoqërinë e Klodian Zotos, i cili më pas ja ka përcjellë të akuzuarve Alba Thoma dhe Bledar Karoli. Dy ish zyrtarët nga ana tjetër konsiderohen si ndërmjetësit mes ministrisë së mjedisit dhe Zotos. Ndërsa anëtarët e komisionit të dhënies së koncensionit akuzohen se i përllogaritën kostot e studimit të fizibilitetit referuar studimit të shoqërisë propozuese, çka ka rritur fiktivisht tarifën e depozitimit të mbetjeve