Trump ka njoftuar se fjalimi inaugurues do të mbahet në një ambient të mbyllur për shkak të motit të ftohtë. Donald Trump ka konfirmuar se ceremonia e tij e inaugurimit do të zhvillohet brenda Kapitolit të hënën, për shkak të parashikimit të temperaturave të ulëta në Uashington DC që do ta bëjnë të pasigurt mbajtjen e betimit tradicional jashtë. Trump e zyrtarizoi lajmin në një postim në Truth Social: “20 janari nuk mund të vijë më shpejt! Të gjithë, edhe ata që fillimisht kundërshtuan një fitore të Presidentit Donald J. Trump dhe administratës, thjesht duan që ajo ditë të vijë sa më shpejt. Është detyrimi im të mbroj popullin e vendit tonë, por para se të fillojmë, duhet të mendojmë për vetë Inaugurimin. Parashikimi i motit për Uashington, mund t’i çojë temperaturat në nivele të ulëta. Ka një acar në Arktik që po përfshin vendin. Nuk dua të shoh njerëz të lënduar për asnjë arsye. Janë kushte të rrezikshme, Prandaj, kam urdhëruar që Fjalimi i Inaugurimit, përveç lutjeve dhe fjalimeve të tjera, të mbahet në Kapitol Rotenda të Shteteve të Bashkuara, siç u përdor nga Ronald Reagan në 1985, edhe atëherë për shkak të motit shumë të ftohtë. Të ftuarit e ndryshëm do të sillen në Kapitol. Kjo do të jetë një eksperiencë shumë e bukur për të gjithë, e veçanërisht për audiencën e madhe televizive!”, thuhet në njoftimin e plotë.