“Festivali Mbarëkombëtar i Humorit” riktheu të qeshurat dhe atmosferën festive në teatrin “Migjeni” në Shkodër. Trupa artistike nga Shqipëria dhe Kosova janë bashkuar në skenën më të madhe të humorit, duke sjellë për një javë rresht të qeshura, satirë dhe argëtim për publikun shkodran. Ikona të humorit shqiptar si Zyliha Miloti, Drande Xhaj, Sander Ruçi dhe Besnik Çinari mirëpresin në qytetin e tyre artistët e ftuar, mes të cilëve Parodistët e Vlorës, Agron Llakaj, Sevdai Radogoshi, Afrim Agalliu e shumë të tjerë. Cdo nate nga 4 deri më 8 dhjetor, festivali sjell një program të pasur me këngë, numra humori, stand-up komedi dhe elementë të tjerë artistikë që e kthejnë këtë ngjarje në një nga mbrëmjet më të veçanta të Shkodres.