Top Channel/ Ibsen Elezi sërish në protestë: PD nuk duhet të përfundojë si LDK-ja, Basha të tërhiqet

Ish-kreu i Partisë Demokratike në Kukës, Ibsen Elezi vijon protestën në portën hyrëse të ambienteve të selisë së PD-së, ku kërkon largimin e Lulzim Bashës, nga drejtimi i partisë. Në një prononcim për mediat, Elezi tha se Basha duhet të largohet në mënyrë që t’i hapet rrugë procesit zgjedhor brenda partisë, të fillojë gara dhe të fitojë më i miri. Po ashtu ai theksoi se nuk duhet që PD të ketë fatin e LDK-së në Kosovë dhe nga partia më e madhe opozitare të përfundojë me 10%, pasi do humbisnin demokratët dhe gjithë shqiptarët. Ibsen Elezi: Basha e ka ditur se ai do t’i deformojnë zgjedhjet aq sa i duhet se kanë dhënë dorëheqje deputetë në Parlamentin shqiptar dhe kanë bërë 10 protesta. Nëse PD merr rrugën e LDK-së dhe përfundon 10% do jetë dëmi i demokratëve dhe gjithë shqiptarëve. Basha duhet të tërhiqet, të hapet procesi zgjedhor dhe në garë të fitojë ai që është më i zoti.