Një skenë që ngjan me një film ka qenë ajo e mbijetesës së Lazër Bashit, i cili mbeti i plagosur në pritën e armatosur në Dukagjin, ku u vranë babë e bir, Prelë dhe Lekë Gjoni. Bashi ka treguar perpara grupit hetimor se ndodhej rastesisht ne makine me viktimat dhe ishte në pjesën e pasme të fuoristradës kur autorët hapën zjarr me breshëri nga dy armë të ndryshme. Mes dhjetëra plumbave, ai arriti të shpëtojë duke u shtrirë në automjet, por një plumb e kapi në shpatull. Pasi autorët u larguan, ai ka pritur për disa minuta dhe më pas ka dale nga fuoristrada. Ai ka treguar se ka marre me vete telefonin dhe me plagën në shpatull e duke humbur gjak, Bashi ka ecur ne kembe per rreth 40 minuta per afro 2 kilometra, derisa mbërriti pranë një lokali, në zonën ku kryqëzohet rruga e Pultit me atë të Shoshit ku kishte vale telefonike. I plagosuri ka deshmuar se ka ndaluar pastaj pranë një çezme ku ka pastruar gjakun që i rridhte nga plaga dhe ka pritur transportin drejt Spitalit Rajonal të Shkodrës. Për shkak të humbjes së konsiderueshme të gjakut dhe nevojës për trajtim të specializuar, ai eshte transportuar më pas drejt Spitalit të Traumës në Tiranë ku ndodhet jashtë rrezikut për jetën. Nderkohe Policia dhe Prokuroria e Shkodrës vijojnë hetimet për identifikimin dhe kapjen e autorëve. Deri tani nuk ka një person të identifikuar si autor i dyshuar, ndërsa disa persona janë shoqëruar për t’u marrë në pyetje. Deri tani po hetohet nese babe e bire Prele dhe Leke Gjoni kane ndonje konflikt te mundshem por ata nuk njiheshin si persona problematic. Lekë Gjoni punonte me një kamion, duke transportuar materiale ndërtimi dhe kishte një eskavator në zonën e Dukagjinit.