Groenlanda po përballet me një shkrirje të konsiderueshme të shtresës së akullit për shkak të valës së të nxehtit që ka prekur të gjithë rajonin e Arktikut. Imazhet e marra nga satelitët Copernicus Sentinel-2 më 29 qershor dhe 3 korrik tregojnë ndryshime në mbulesën e dëborës të ishullit Nares qw ndodhet nw veri tw Groenlandës. Temperaturat e ajrit, të cilat ishin rreth dhjetë gradë më të larta se mesatarja për këtë periudhë, bënë që e gjithë mbulesa e dëborës e ishullit të shkrihej plotësisht në vetëm katër ditë, duke e lënë të dukshme kapakun e akullit. Bora ka një aftësi të lartë për të reflektuar rrezet e diellit, një fenomen i njohur si "albedo", i cili redukton thithjen e nxehtësisë. Si rezultat, mbulimi i dendur i borës ndihmon në ruajtjen e temperaturave më të ulëta në sipërfaqen e akullit. Bora gjithashtu vepron si një izolues termik, duke reduktuar transmetimin e nxehtësisë nga atmosfera në akullin e poshtëm. Ky efekt izolues është veçanërisht i rëndësishëm në klimat e ftohta, siç është Arktiku, ku mbulimi adekuat i borës mund të ndihmojë në mbajtjen e akullit më të ftohtë dhe më të qëndrueshëm.