Albin Kurti mendon se më i përshtatshëm për Kosovën mund të jetë një model mbrojtjeje gjithëpërfshirëse, dhe largimi nga ideja e shërbimit të detyrueshëm ushtarak. Ky koncept, i frymëzuar nga Finlanda dhe vendet baltike, synon të përcaktojë detyra konkrete për qytetarët në rast të rreziqeve nga fatkeqësitë natyrore apo konflikte të armatosura, duke kombinuar veprimin vullnetar të qytetarëve me strukturat shtetërore dhe Forcën e Sigurisë së Kosovës, FSK.