Një japonez i cili kaloi më shumë se 40 vjet në dënim me vdekje derisa u shpall i pafajshëm vitin e kaluar, i janë dhënë 1.4 milionë dollarë si kompensim, tha një gjykatë të martën, afërsisht 85 dollarë për çdo ditë që u dënua gabimisht. Ish-boksieri profesionist Iwao Hakamata, 89 vjeç, u dënua me vdekje në vitin 1968 për një vrasje të katërfishtë, pavarësisht se vazhdimisht pretendonte se policia kishte fabrikuar prova kundër tij. Dikur i dënuari me vdekje më jetëgjatë në botë, ai u shpall i pafajshëm pasi një test i ADN-së tregoi se rrobat me njolla gjaku që u përdorën për ta dënuar atë ishin aty shumë kohë pas vrasjeve, sipas transmetuesit publik japonez. Gjykata konfirmoi për CNN se Hakamata kishte marrë më shumë se 217 milionë jen, një pagesë që përfaqëson rreth 85 dollarë amerikanë në ditë që kur ai u shpall fajtor. Përfaqësuesi i tij ligjor e përshkroi kompensimin si “shumën më të lartë” të dhënë ndonjëherë për një dënim të gabuar në Japoni, por tha se nuk mund të kompensonte kurrë atë që kishte vuajtur ai si i burgosur. Hakamata fillimisht pranoi akuzat kundër tij, por më vonë ndryshoi deklaratën , duke akuzuar policinë se e detyroi të rrëfehej duke e rrahur dhe kërcënuar.