Ish-lideri separatist i Katalonjës, Carles Puigdemont, u rikthye në Spanjë pas shtatë vitesh në arrati, dhe mori pjesë në një tubim në Barcelonë, duke e shtyrë policinë spanjolle të nisë një kërkim të madh për kapjen e tij. Me gjithë praninë e madhe policore, Puigdemont foli para mijëra ndjekësve të tij në kryeqytetin katalanas, duke u thënë atyre se synon ta ringjallë përpjekjen për pavarësi, e cila e kishte zhytur Spanjën në krizë politike më 2017. Pasi e përfundoi fjalimin, Puigdemont doli mbrapa skenës, dhe policia e mediat nuk ishin në gjendje ta gjenin më vendndodhjen e tij. Një person me altoparlant i bëri thirrje turmës ta shoqëronte Puigdemontin në një marsh drejt Parlamentit të Katalonjës. Por, derisa zyrtarë të lartë të partisë së ish-liderit dhe anëtarë të partisë së moderuar separatiste, marshuan drejt ndërtesës parlamentare. Kërkimi për liderin separatist shkaktoi rrëmujë në trafik në Barcelonë dhe në afërsi të kufirit me Francën, pasi policia vendosi postblloqe dhe i kontrolloi veturat. Kërkimi për Puigdemontin u anulua më vonë, tha një zëdhënës pa shpjeguar arsyen. Disa mbështetës të Puigdemontit u përleshën me policinë në përpjekje për ta thyer kordonin që rrethonte një park ku ndodhet ndërtesa e Parlamentit. 61 vjeç, u largua në Belgjikë para shtatë viteve, pas përpjekjes së dështuar për ndarjen e Katalonjës nga Spanja.