Një gazetar francez humbi jetën teksa mbulonte përpjekjet e evakuimit të civilëve në rajonin e Luhanskut të Ukrainës lindore , të cilat u pezulluan të hënën pasi një automjet transporti i blinduar u godit nga një predhë ruse Gazetari i vrarë është 32-vjeçar Frédéric Leclerc-Imhoff dhe punonte prej gjashtë vitesh për transmetuesin francez të lajmeve “BFM TV. Guvernatori rajonit serhey Gaidai njoftyoi në Telegram se copëzat e predhës kishin shpuar armaturën e automjetit, duke vrarë gazetarin e akredituar francez. Në një mesazh në Tëitter Presidenti francez Emmanuel Macron shkruante se Frédéric Leclerc-Imhoff “ishte në Ukrainë për të treguar realitetin e luftës. Kur u qëllua për vdekje ai ndodhej në një autobus humanitar, së bashku me civilët e detyruar të largohen nga vendi, për t'i shpëtuar bombave ruse”. Macron i shprehu ngushëllime familjes, të afërmve dhe kolegëve të gazetarit dhe ofroi "mbështetjen e pakushtëzuar të Francës", sikurse shkruante ai, për "ata që kryejnë misionin e vështirë të informimit në Ukrainë”. Ministrja e re e jashtme e Francës Catherine Colonna bëri thirrje për hetime mbi vdekjen e gazetarit. Pamjet: AFP