Shpat Kasapi u përcoll për në banesën e fundit këtë të diel. Familjarë, miq, kolegë dhe dashamirës i dhanë lamtumirën këngëtarit të njohur, Shpat Kasapi, në Tetovë. Trupi i tij mbërriti në Maqedoninë e Veriut, pas humbjes nga jeta të 40 vjecarit në Itali, ku ndodhej për një kontroll mjekësor për të birin. Qindra njerëz morën pjesë në ceremoninë mortore. Arkivoli i tij, i mbuluar me flamurin kombëtar, ndodhej në qendër të skenës të Pallatit të Kulturës, ndërsa bashkëshortja Selvije Lao dhe familjarë e të njohur ndanë dhimbjen për humbjen e papritur. Largimi i parakohshëm nga jeta tronditi këdo e njihte e jo vetëm, dëgjuesit e pafund të muzikës së tij. Mes kujtimesh dhe mesazheve të dashurisë, Shpat Kasapi u nderua në homazhe. Në moshën 40 vjecare Shpat Kasapi u nda nga jeta pas një arresti kardiak të befasishëm. Shpat Kasapi ishte një nga banorët e konfirmuar të edicionit të ri Big Brother Vip, por ëndrrat e tij u shuan me ikjen e shpejtë e të papritur nga jeta, duke lënë në dhimbje familjen dhe artistët. Efekt