Ashëin Matai është një nga prodhuesit e kanabisit në Holandë. Kjo është ferma e tij ku çdo ditë rritën nën dritat e forta LED qindra bimë. Nga kjo e premte lënda narkotike që ai kultivon do të shitet me shumicë në treg. Kjo pasi ky shtet nëse e lejonte tregtimin e kanabisit në bare por dhe në ambiente të tjera për konsum, e kishte të ndaluar prodhimin dhe shitjen. "Unë e quaj një moment historik," i thotë AFP-së 34-vjeçari Matai. Sipas ligjit të ri, shteti Holandez do të lejojë kultivimin e kanabisit në rajone të caktuar për katër vite. Një test ky që do t’i shërbejë qeverisë nëse do ta lejojë këtë praktikë që deri më dje ishte e ndaluar apo jo. Konsumin e kanabisit, Holanda e toleron sipas një politke që daton gati 5 dekada më parë. Por prodhimin dhe furnizimin e kanabisit për këto bare, ku lejohet përdorimi, shteti holandez e ka cilësuar të paligjshëm. Matai rrit më shumë se 45 lloje kanabisi në "dhomën e tij" të ngrohur në 25 gradë Celsiu, ku stafi me gërshërë pret dhe krasit bimët me saktësi pothuajse kirurgjikale. "Produkti do të jetë i pastër, i testuar, pa pesticide. Ne e dimë saktësisht se çfarë hyn, çfarë del, kështu që konsumatori do të marrë një produkt shumë më të sigurt," i tha ai AFP, i veshur me pajisje mbrojtëse. Për të operuar në treg të gjithë kultivuesit duhet të regjistrohen pranë autoriteteve.