Donald Trump përshëndeti ate qe e cilesoi “nje marrëveshjen historike” me Venezuelën, në bazë të të cilës Shtetet e Bashkuara do të kontrollojnë më shumë se 65 miliardë fuçi nafte nga toka e saj. “Ky transaksion historik i dyfishon rezervat amerikane të naftës, rrit furnizimin tonë dhe do të ulë ndjeshëm çmimet e karburantit për të gjithë amerikanët”, shkroi shefi i Shtëpisë së Bardhë në rrjetet sociale. Presidentja e përkohshme e Venezuelës, Delcy Rodríguez, e përshëndeti marrëveshjen, duke thënë se ajo do të ndihmonte rimëkëmbjen ekonomike të vendit të saj. Trump ishte zotuar të shfrytëzonte rezervat e Venezuelës, të cilat janë më të mëdhatë në botë, që kur Shtetet e Bashkuara arrrestuan këtë vit ish presidentin venezueljan Nicolás Maduro. Sekretari i Shtetit Marco Rubio e përshkroi ujdinë e naftës “një fitore të madhe si për popullin amerikan, ashtu edhe për atë te Venezueles”. Megjithatë, shumë pak detaje të saj janë bërë publike. Rubio shkroi vetëm se “për popullin venezuelian, kjo marrëveshje do të sjellë afro 100 miliardë dollarë investime private, do të krijoje mijëra vende pune me paga të larta dhe do të nxisë rindërtimin e ekonomisë së Venezuelës”, ndersa Trump insistoi se pakti ishte arritur “pa asnjë kosto për taksapaguesin amerikan”. Ai vetë ka qenë së fundi nën një presion shume të madh për të frenuar çmimet e karburantit në SHBA, të cilat u rritën ndjeshëm gjatë konfliktit me Iranin.