Parlamenti grek ka votuar pro njohjes së pakicës fetare bektashianie-alevite, kryegjyshata e tw cilwve ndodhet nw Shqipwri, si besim i pavarur dhe duke i cilësuar anëtarët e këtij besimi që jetojne kryesisht ne zonen e Trakes Perendimore si komunitet fetar më vete. Ligji për njohjen e tij përmban 13 nene, të cilat rregullojnë funksionimin e tij me autonomi të plote dhe të pavarur prej pjesës tjetër të komunitetit mysliman grek. Ligji rregullon çështjet e pronave të këtij besimi fetar, të drejtat dhe detyrimet ndaj palëve të treta si dhe parashikon edhe mënyrën e zgjedhjes së drejtuesve (të quajtur baba). Vendimi u prit me festime prej bektashinjve që jetojnë kryesisht në zonën e Trakës. Gjithashtu, ligji parashikon edhe njohjen zyrtare të teqeve që deri tani funksiononin në kushte ilegaliteti pasi anëtarët e këtij komuniteti nuk njiheshin zyrtarisht. Burime nga ministria greke e arsimit dhe besimeve fetare thanë se vendimi konsiderohet historik. Numri i bektashinjve grek llogaritet deri në 5000,por zyrtarë grekë thonë se ai është shumë herë më i madh, pasi anëtarë të këtij komuniteti shpesh herë liheshin në periferi të ushtrimit të riteve të tyre prej pjesës tjetër të muslimanëve që jetojnë në vend. Këtij komuniteti tashmë pritet ti shtohen dhe mijëra bektashinj nga shumë vende të botës,mes tyre edhe emigrantë shqiptarë që jetojnë në greqi.