Kryebashkiaku i Tiranës, Erion Veliaj, reagoi ashpër pas deklaratës së kryedemokratit Sali Berisha, i cili u shpreh se “gjatë kontrollit që BKH ka ushtruar në zyrat e fondacionit “Harabel” të Ajola Xoxës, janë gjetur të fshehura 230 mijë euro”. Përmes një shkrimi të publikuar në rrjetet sociale, kryetari i bashkisë Tiranë e quan Berishën ‘hienë të xhindosur e qenie të paskrupullt’. Veliaj e akuzon Berishën për tragjedinë e Gërdecit ku humbën jetën 26 persona, për vrasjen e katër protestuesve në 21 janar dhe si pengmarrës të opozitës shqiptare. “Po e nis këtë reagim me një ndjesë të përulur për të gjithë ju, që jeni duke lexuar këto fjalë drejtuar një hiene të xhindosur, një qenie të paskrupullt, një kufome të pakallur të quajtur Sali Berisha – një ligësie, i cili e ka helmuar dhe fatkeqësisht, vijon ende ta helmojë e ta përçajë këtë vend prej 34 vjetësh.