Kreu i Hezbollahut në Liban, Saed Hasan Nasrallah, ka paralajmëruar të mërkurën se grupi i tij do të luftonte “pa rregulla” dhe “pa kufij” nëse do të shpërthente një luftë më e gjerë me Izraelin. Nasrallah ka deklaruar se askush në Izrael s’do të ndihej më i sigurt nga sulmet e Hezbollahut, raporton Reuters. Në një fjalim televiziv, Nasrallah ka thënë se kjo përfshinte objektiva të mundshëm në Detin Mesdhe. Ai gjithashtu kërcënoi Qipron për herë të parë, duke thënë se Hezbollahu mund ta konsiderojë atë "pjesë të luftës" nëse vazhdon të lejojë Izraelin të përdorë aeroportet dhe bazat e saj për stërvitje ushtarake. Sulmet e Izraelit në Libanin jugor kanë lënë të vdekur tre luftëtarë të Hezbollahut të mërkurën, ka bërë të ditur grupi militant. Sulmi vdekjeprurës vjen në kohën kur i dërguari i Posaçëm i SHBA-së në Liban, Amos Hoçstein, u dërgua në Liban për të provuar të qetësojë tensionet, pas një rritjeje të sulmeve ndërkufitare përgjatë kufirit jugor të Libanit, derisa Hezbollahu ka lënë të kuptohet se mund të sulmojë Haifën, qytetin e tretë më të madh të Izraelit. Pamjet: AFP