Komisioni i Konkurrencës k vendosur të hapë një hetim të thelluar për tregun e fruta perimeve. Siç bëhet me dije ky vendim është marrë në qershor të këtij viti dhe në fokus do të jetë zinxhiri nëpërmjet të cilit fruta perimet kalojnë për të shkuar te konsumatori fundor. Sipas autoriteti të konkurrencës ka dyshime të arsyeshme se grumbulluesit e mëdhenj dhe shitësit e shumicës janë dy hallka që po abuzojnë me çmimet, duke i marrë me çmime të fiksuara nga fermerët dhe për t’i shitur deri në dy herë më shumë në tregun fundor. Hetimi i AK do të përfshijë tregjet në qarqet e Tiranës, Elbasanit, Korccës, Fierit dhe Beratit për periudhën kohore janar 2023 – maj 2024. Të dhëna paraprake tregojnë se abuzimi më i madh ka ndodhur në tiranë, pasi jo vetëm grumbulluesit i rritën çmimet me 11-55% nga blerja tek fermeri deri tek shitja me shumicë, por më tej edhe shumica i rriti deri në dyfish çmimet për pakicën. E njëjta situatë edhe për qarqet e tjera ku grumbulluesit kanë rritur çmimet, por nuk vërehet abuzim nga pikat e shumicës më tej. Ndërkohë në Berat, AK ka identifikuar se produktet mblidheshin pa fatura nga fermerët dhe deklaronin çmime jo reale. Në të gjitha qarqet, është konstatuar se pikat e grumbullimit operonin pa kontratë, duke bërë që fermerët t’i shesin produktet e tyre nën kosto, duke ju shkaktuar humbje. Një tjetër problematikë e konstatuar ishte edhe fakti që vetë grumbulluesit kishin sera dhe prioritet kanë pasur produktin e tyre. Raporti paraprak i hetimit do të bëhet publik brenda tre muajve.