Agjencia e Mbikëqyrjes Policore dhe Prokuroria e Elbasanit kanë ekzekutuar 3 masa sigurie të vendosura nga Gjykata e Elbasanit në Devoll. Dy ish-drejtues të lartë të vetë AMP-së dhe një person i tretë ish drejtues i policisë bashkiake janë vënë nën masa sigurie nga gjykata pasi dyshohet se kanë konsumuar elementët e veprës penale të shpërdorimit të detyrës. Sipas vendimit të gjykatës, ndaj Glodian Ahmetaj, ish-Drejtor Dege në AMP, është caktuar masa e sigurimit “Ndalimi i daljes jashtë shtetit”. Ndaj Devis Ago, ish-Shef Sektori, është caktuar masa e sigurimit “Paraqitja në Policinë Gjyqësore” dhe “Ndalimi i daljes jashtë shtetit”. Po të njëjtat masa sigurie janë caktuar edhe për shtetasin Klevis Hoxha i cili ka pasur lidhje shoqërore me Devis Agon. Sakaq mësohet se në banesat e tre personave janë ushtruar kontrolle me qëllim gjetjen e provave materiale që vlejnë për hetimin. Hetimet për këta persona kanë nisur rreth 2 vite më parë nga SPAK por më pas dosja i kaloi për kopetencë prokurorisë së Elbasanit, për akuzën e shpërdorimit të detyrës. Hetimet për këta persona kanë nisur 2 vite më parë nga SPAK, por më pas dosja i kaloi për kompetencë prokurorisë Elbasan për akuzën e shpërdorimit të detyrës.