Ndërsa FBI-ja po e heton atentatin ndaj ish-presidentit Donald Trump si si tentativë vrasjeje është identifikuar spektatori që mbeti i vdekur nga të shtënat. Bëhet fjalë për një ish zjarrfikës 50-vjecar. Guvernatori i Pensilvanisë, Josh Shapiro, tha se Corey Comperatore "vdiq si hero" pasi u vra duke mbrojtur familjen e tij, Burri raportohet të jetë hedhur mbi ta për t'i shpëtuar nga plumbi fluturues. Po ashtu raportohet se nga të shtënat kanë mbetur edhe dy persona të tjerë të plagosur. Ngushëllime për familjen e viktimës dhe të plagosurve përcolli edhe vetë Donald Trump. Hetimet e mëvonshme treguan sakaq të dhëna të tjeëra mbi atentatorin 20-vjecar Tomas Methju Kroks, të ekzekutuar nga agjentët e shërbimit sekret mbi catinë e ndërtesës nga ku qëlloi ish-presidentin Trump . Sipas Neë York Times të riut i janë gjetur lëndë shpërthyese në makinë dhe në banesë. Referuar mediave amerikanë në momentin e sulmit i riu mbante veshur një bluzë të një kanali popullor pro-armëve në youtube. Thomas Mattheë Crooks nga Pensilvania ishte i regjistruar si votues republikan, por në të njëjtën kohë ai kishte bërë një donacion prej 15 dollarësh për një grup progresiv të lidhur me demokratët. Inteligjenca amerikane pretendon se arma e përdorur për të qëlluar Trump është blerë të paktën gjashtë muaj më parë nga babai i të riut. Po sipas autoriteteve është ende herët të përcaktohet nëse i riu veproi totialisht i vetëm në këtë sulm