Zëvendësdrejtori i Përgjithshëm i Policisë së Shtetit Albert Dervishaj, në një komunikim me mediat bëri me dije masat e reja të marra. Dervishaj dha edhe një lajm të mirë për shoferët që i është tërhequr leja e drejtimit apo e qarkullimit për shkelje të orarit të karantinës. Njoftimi i masave Në zbatim të Aktit Normativ të Këshillit të Ministrave, nr. 23 datë 26.5.2021 “Për disa ndryshime në aktin normativ nr. 3 datë 15.3.2021 “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”, të ndryshuar dhe të Urdhrit të Ministrit të Brendshëm nr. 237 datë 27.05.2021 “Për caktimin e orarit të ndalimit të muzikës”; Drejtori i Përgjithshëm i Policisë së Shtetit ka miratuar aktet përkatëse me detyra për strukturat qendrore dhe vendore të Policisë së Shtetit.