Zëvendëspresidentja Kamala Harris ka një avantazh prej dy përqind më shumë se republikani Donald Trump, pasi Presidenti Joe Biden hoqi dorë nga gara, sipas një sondazhi nga Reuters/Ipsos. Sondazhi u realizua të hënën dhe të martën, pas Konventës Kombëtare Republikane, ku Trump pranoi zyrtarisht se do të garonte për zgjedhjet dhe pas njoftimit të Biden të dielën se ai po largohej nga gara dhe se do të mbështeste Harris. Harris, e cila ka mbështetje të madhe nga Demokratët, kryesoi ndaj Trump me 44% në sondazhin kombëtar, ndërsa ish-presidenti e ndjek me 42%. Më herët, në një sondazh të realizuar me 15-16 korrik, Trump dhe kandidatja demokrate kishin rezultate të barabarta prej 44%. Nga ana tjetër një sondazh i fushatës së Trump hedh poshtë çdo sondazh tjetër që tregon rritje të mbështetjes për Harris, pasi sipas tyre popullariteti i saj është i përkohshëm, për shkak të mbulimit të gjerë mediatik. Harris bëri fushatë në Wisconsin të martën, aty ku fitoi mbështetjen nga figurat kryesore të partisë, ndërsa votuesit në sondazh thanë se kishin dëgjuar shumë pak ose kurrë për emrat e tjerë nga ana e demokratëve, të cilët duan të jenë kandidat për zgjedhjet presidenciale. Sondazhi, i realizuar në internet, anketoi 1,241 të rritur amerikanë në mbarë vendin, duke përfshirë 1,018 votues të regjistruar.