Donald Trump është certifikuar si fitues i zgjedhjeve presidenciale në Shtetet e Bashkuara të Amerikës. Ceremonia e marrjes së detyrës do të jetë më 20 janar, ndërsa është certifikuar edhe Mike Pence si zëvendëspresident. Kjo seancë u udhëhoq nga Nënpresidentja Kamala Harris, rivalja demokrate e Trump në zgjedhjet presidenciale, e cila u paraqit në rolin e drejtueses së Senatit. Harris deklaroi se Donald Trump ka marrë 312 vota elektorale e ajo vetë 226 vota. Kur ajo shqiptoi fitoren e Trumpit, qeshi, ndërsa republikanët duartrokitën. “Kongresi certifikoi sot fitoren tonë të mahnitshme – një moment i madh në histori. MAGA”, shkruajti Trump të hënën në platformën e tij sociale, Truth Social. Ishte një certifikim shumë i zakonshëm, krejt ndryshe nga katër vjet më parë, kur pati trazira në Kapitol. I gjithë procesi zgjati më pak se 30 minuta, ndryshe nga katër vite më parë kur mbështetësit e Trumpit mësynë në Kapitol, pikërisht më 6 janar. Pak orë më pas avokatët e Trump kërkuan të pezullohej seanca gjyqësore e së premtes, ku sipas ku ka shumë gjasa që republikani të dënohet për skandalin me pagesën për të blerë heshtjen e ish-aktores së filmave për të rritur, Stormy Daniels. Avokatët e Trump kërkuan pezullimin e kësaj çështjeje deri sa të ketë një “qartësim të imunitetit që ka ai si president tani që u certifikua nga Kongresi”.