Mediat e huaja po i bëjnë jehonë një vendimi të rëndësishëm të Parlamentit të Ukrainës për të miratuar një projektligj që lejon të burgosurit të bëhen pjesë e Forcave të Armatosura. Vendimi është marrë në kushtet e nevojës urgjente të vendit për personel ushtarak. Më herët forcat ukrainase kishin kundërshtuar masa të tilla, madje kanë dënuar shpesh Moskën për punësimin e të burgosurve, por me sa duket zgjatja e ofensivës ruse i ka detyruar të veprojnë njësoj si ta. Sipas legjislacionit të propozuar, pjesëmarrja është vullnetare dhe e kufizuar për disa kategori të veçanta të burgosurish. Të përjashtuar nga mundësia për t’ju bashkuar ushtrisë janë individët e dënuar për dhunë seksuale, vrasje të shumta, korrupsion të rëndë dhe ish-zyrtarë të rangut të lartë. Ndërkohë vetë Presidenti i Ukrainës, Volodimir Zelensky vazhdoi thirrjet për vendet Europine që të vazhdojë me ndihmën që i premtuan Ukrainës dhe të rrisin mbështetjen për vendin e shkatërruar nga lufta. Deklaratat e Zelenskyt u bënë në Ditën e Evropës, ku pati takime edhe me zyrtarë të BE-së. Ndër të tjera Zelensky ka pranuar se Rusia ka avancuar në fushën e betejës.