Rusia dhe Ukraina do të kryejnë një shkëmbim të ri të të burgosurve nesër, të ndërmjetësuar nga Emiratet e Bashkuara Arabe. Sipas Reuters, rreth 500 të burgosur rusë dhe ukrainas dhe 46 ushtarë të plagosur do të shkëmbehen të shtunën. Shkëmbimi do të përfshijë 246 të burgosur nga secila palë. Gjatë tre viteve luftë, Rusia dhe Ukraina kanë shkëmbyer qindra të burgosur në një marrëveshje të ndërmjetësuar nga Emiratet e Bashkuara Arabe. Numri i përgjithshëm i robërve të shkëmbyer me ndërmjetësimin e Emirateve të Bashkuara Arabe tani arrin në 3233. Ky shkëmbim vjen pasi sekretari amerikan i Shtetit, Marco Rubio, paralajmëroi sot se do të braktisë përpjekjet për të ndërmjetësuar një marrëveshje paqeje Rusi-Ukrainë brenda disa ditësh, nëse nuk ka shenja të qarta që mund të arrihet një armëpushim.