Autoritetet zvicerane konfirmuan se një person i infektuar me hantavirus është shtruar në një spital në Zyrih, ku aktualisht po merr trajtim mjekësor. Qeveria vendase këmbënguli megjithatë se aktualisht, nuk ka rrezik për popullatën e gjerë. Personi në fjalë kishte qenë pasagjer i anijes turistike MV Hondius, ku janë regjistruar disa raste të sëmundjes. Sipas Zyrës Federale të Shëndetit Publik në Zvicër, burri ishte kthyer nga një udhëtim në Amerikën e Jugut së bashku me gruan e tij në fund të muajit prill. Pas shfaqjes së simptomave, ai ishte paraqitur në spitalin e Zyrihut ku eshte vendosur menjëherë në karantinë. Një test në laboratorin referencë të Spitalit Universitar të Gjenevës, HUG, konfirmoi infeksionin me hantavirus. Në hetimin e rastit është përfshirë edhe Instituti Kombëtar për Sëmundje Infektive i Afrikës së Jugut, Institutin Pasteur në Senegal dhe Administrata Kombëtare e Laboratorëve dhe Instituteve Shëndetësore të Argjentinës. Bashkëshortja e tij ndërkohë nuk shfaqi simptoma, por hyri në izolim vullnetar si masë paraprake. Zyrtarët vendas janë duke verifikuar nëse pacienti ka pasur kontakt me persona të tjerë. Sipas të dhënave të fundit deri më 6 maj, janë regjistruar gjithsej tetë raste, prej të cilave tre janë konfirmuar në laborator si hantavirus.