Pas orësh të tëra ndërmjetësimi, është zgjidhur ngërçi i krijuar mes Hamasit dhe Izraelit për lirimin e grupit të dytë të pengjeve. Grupi islamik u tërhoq nga pretendimet e ngritura dhe do të lirojë 13 persona të tjerë. Pas pretendimeve të ngritura kundrejt Izraelit, se nuk po i përmbahej kushteve të marrëveshjes, Hamasi vendosi që të lirojë 13 pengjet e tjerë. Shkëmbimi sipas BBC, do bëhet gjatë orëve të vona të mbrëmjes të së shtunës. Ndërkohë Izraeli nga ana tjetër do të lirojë 39 të burgosur palestinezë. Lajmi u konfirmua nga zëdhënësi I forcave speciale, Daniel Hagari I cili gjatë një konference për shtyp njoftoi se pas orësh të tëra negociatash grupi islamik u bind për të vijuar zbatimin e paktit ashtu siç është parashikuar. Në ditën e dytë të armëpushimit, grupi militant islamik hdohi akuza në drejtim të Tel Avivit se nuk po zbaton pikat e dakordësuara me ndërmjetësimin e shtetit të Katarit. Një zyrtarë I lartë I Hamas tha për BBC se ushtria izraelite lejoi vetëm tre kamionë me ndihma nga 100 që të mbërrinin në veri të Gazës. Kjo gjë ka shkaktuar revoltë në radhët Hamas që vendosi të mos lirojë pengjet në orarin e caktuar. Por këto pretendime u hodhën poshtë gjatë konferncës nga zëdhënësi I forcave speciale, I cili pohoi se Izraeli nuk e ka në dorë se sa kamionë shkojnë në veri. Ai këmbënguli se qeveia izraelite i qëndron asaj që është rënë dakord dhe se është OKB-ja dhe agjencitë e tjera të ndihmës ato që bëjnë shpërndarjen e nihmave. Në ditën e parë Hamas liroi 24 pengje kundrejt 39 të burgosurve palestinezë që liroi Izraeli.