Hamasi ka pranuar marrëveshjen e armëpushimit, duke informuar ndërmjetësit që ndodhen në Kajro, vetëm pak orë pasi Izraeli kishte marrë vendimin për të nisur sulmet në Rafah. Lajmin e njoftoi mbrëmjen e së hënës “Al jazeera”. Megjithatë qeveria izraelite nuk beson se Hamas do të lirojë pengjet dhe as që do të respektojë kushtet. Ministrit izraelit i ekonomisë Nir Barkat, deklaroi se ky është "mashtrimi i zakonshëm” dhe se grupi radikal nuk ka pranuar asgjë sipas tij. Ndërkaq, një zyrtar i lartë i Tel Avivit konfirmoi se "Hamasi nuk e pranoi draftin që u diskutua me egjiptianët, duke i quajtur kushtet e Hamasit të papranueshme. Disa orë më parë kabineti i luftës në Tel Aviv kishte miratuar unanimisht operacionin në Rafah, duke filluar evakuimin. Qeveria e Egjiptit i ka bërë thirrje izraelit që të mos ndërmarrë asnjë sulm në Rafah, sepse do të ishte një katastrofë njerëzore, ndërsa Erdogan u kërkoi vendeve të Perëndimit që të shtojnë presionin mbi qeverinë e Netanjahut që të pranojë armëpushimin. Pamjet: AFP