Hakerët rusë të lidhur me shtetin kanë vënë në shënjestër llogaritë e WhatsAppit të ministrave, zëvendësave të tyre dhe zyrtarëve të ndryshëm të qeverive europiane, por edhe vendeve të tjera. Këtë e bëjnë duke dërguar email-e që i ftojnë t’u bashkohen grupeve në aplikacionin e mesazheve. Taktika me ËhatsAppin shënon një qasje të re nga hakerët të quajtur “Star Blizzard”. Qendra për Sigurinë Kibernetike Kombëtare e Britanisë e ka lidhur “Star Blizzardin” me agjencinë e spiunazhit të Rusisë, FSB, dhe e ka akuzuar për “minim të besimit në politikat në Britani dhe shtete të ngjashme”, raporton e përditshmja britanike “The Guardian”. Viktimat thuhet se kanë pranuar një email nga një haker që është shfaqur si zyrtar i Qeverisë amerikane, duke i kërkuar të klikojë në një kod që i dha atij më pas qasje në llogarinë e WhatsAppit. Ende nuk nuk dihet nëse janë vjedhur të dhëna nga llogaritë qeveritarëve, por një pjesë e mirë e tyre e kanë pranuar e-mail-in.