Një grup hakerash pro-iranianë po hetohen nga zyrtarët federal në SHBA pasi dyshohet se kanë kryer një sulm kibernetik ndaj një ujësjellësi në Pensilvani. Hakerat mundën të ndërhynin në sistemin e të dhënave qendrore dhe të merrnin për disa orë kontrollin e stacionit të ujit, por pa shkaktuar probleme. "Zyrtarët federalë po ndihmojnë hetimin dhe unë mbetem i gatshëm të ndihmoj me agjencitë federale," tha në një deklaratë këtë javë përfaqësuesi amerikan Chris Deluzio. Ndërkohë kreu I ujësjellësit Aliquippa, Matthew Mottes pohoi për CNN sulmin, ndërsa tregoi se në ekranet e kompjuterave u shfaq një mesazh kundër izraelit. Ky është I disati incident brenda pak kohësh që ndodh në SHBA. Kjo gjë ka rritur shqetësimin në radhët e ligjvënësve amerikanë të cilët thonë se më të rriskuara nga këto sulme janë kompanitë që ofrojnë shërbime, dukë përfshire këtu dhe spitalet. Menjëherë pas sulmit, sipas CNN, autoriteti I ujit kaloi në sistemin manual duke anashkaluar atë elektronike. Deri më tani grupi Iranian që po hetohet ende nuk e ka marrë përsipër autorësinë e hakërrimit, Por pavarësisht këtij rasti, ata po hetohen pasi gjatë kohëve të fundit edhe në Izrael, kanë kryer një sërë sulmesh mbi stacionet e ujësjellësve. Siguria kibernetike ka vendosur në alarm autoritetet amerikane. Kjo pasi jpak kohë më parë, u hakërrua sistemi I urgjencës në të paktën pesë shtete. Përmes sistemeve elektronike, hakerat mundën të përcaktonin destinacione të ndryshme për të gjitha ambulancat duke future në ngërç të gjithë sistemin. Grupet e hakerave të mbështetur nga shteti I Iranit edhe më herët kanë ndërmarrë sulme të ndryshme kibernetike në Shtetet e bashkuara të Amerikës. Pamjet: AFP