Në një lëvizje hisotrike sekretari i përgjithshëm i OKB-së Antonio Guterres ka aktivizuar artikullin 99 të OKB që kërkon vendosjen e një armëpushimi të menjëhershëm humanitar në gAZA. Tashmë ky artikull i aktivizuar do dërgohet për një votë në këshillin e sigurimit aty ku shumcia e anëtarëve janë pro armëupshimit, por SHBA, aleat i patundur i Izraelit, mund të vendosë veton. Sipas BBC aktivizimi i artikullit 99 ka ndodhur vetëm nëntë here në historinë e OKB dhe kanë kaluar dekada që nga vendimi i fundit. Në një letër dërguar anëtrëve të OKB Guterres thotë se Gaza është pranë një katastrofe humanitare, me ndihmat ushqimore që nuk po futen në sasitë e duhura, shtëpitë e shkatërruara dhe spitalet e kthyera në shesh-betejë, si dhe numrin record të viktimave. Guterres theksoi se situata po përkeqësohej me shpejtësi, me pasoja potencialisht të pakthyeshme për palestinezët dhe për sigurinë në të gjithë rajonin. Ambasadori i Izraelit në Kombet e Bashkuara Gilad Erdan reagoi me zemërim ndaj thirrjes së Sekretarit të Përgjithshëm të OKB-së dhe ka përsëritur thirrjet që ai të japë dorëheqjen. Ai shtoi se thirrja për një armëpushim ishte "në fakt një thirrje për të mbajtur mbretërimin e terrorit të Hamasit në Gaza". Brenda javës pritet që këshilli i sigurimit të mblidhet në lidhje me këtë temë.