Sipërmarrësja me origjinë shqiptare, Erjola Braha, e njohur në rrethet e enologjisë si “gruaja e verës”, ishte e zgjedhura e forbes në listimin e njerëzve të suksesshëm në biznes. Në një intervistë për Forbes Italia, Erjola tregon se ka promovuar një sërë Masterclassesh në vendet më të mira në Tiranë, Vlorë dhe në pjesën tjetër të vendit për të përhapur kulturën e verës dhe ndërgjegjësimin se i ashtuquajturi “stili italian” mbetet një filozofi me vlerë të madhe. Pasioni I saj është materializuar edhe në gjithë Ballkanin. Në intervistën dhënë për forbes italia erjola flet për lidhjen me dy kompanitë Rothschild dhe Roederer të cilat luajnë një rol të rëndësishëm në tregun e verërave luksoze. Ajo thotë se është ambasador i këtyre dy familjeve në Shqipëri, me angazhimin për të shpërndarë produktet e tyre madhështore, gjithmonë në nivele të larta. Ajo prezantoi teknologji të reja informacioni dhe sisteme të qëndrueshme për të përmirësuar shpërndarjen dhe promovimin e verërave, duke e bërë Alehandro Group një shembull inovacioni në këtë sektor. Në intertvistën dhënë gazetarit Mirco Crocoli të Forbes Italia, Erjola tregon se një ëndërr e saj po realizohet tashmë, pasi është pranë hapjes së një akademie për trajnimin e të rinjve në sektorin e verërave. CEO e Alehandro Group, është ndalur dhe tek turizmi në Shqipëri, ku tashmë po cilësohet si një destinacion luksi. “Vizitorët mund të ndërmarrin përvoja unike kulturore në vendet e shumta të UNESCO-s, duke përfshirë qytetet historike dhe rrënojat antike. Ajo shpjegon se turizmit I është dhënë një shtysë të rëndësishme, duke synuar krijimin e hoteleve dhe resorteve të nivelit të lartë që ofrojnë mikpritje të nivelit të lartë. Për më tepër, kuzhina vendase, e cila ndërthur ndikimet mesdhetare dhe ballkanike, shton më shumë hijeshinë, duke e bërë Shqipërinë një destinacion tërheqës për këtë lloj udhëtimi”, rrëfehet ajo. CEO e Alehando grup I shpreh mirënjohjen institucioneve shqiptare dhe italiane për mbështetjen e projekteve tw saj, për kompanitë që me produktet e tyre fantastike më lejojnë të vendosem në tregje. Për bashkëpunëtorët, entuziazmin dhe përkushtimi i të cilëve janë forca lëvizëse e kësaj aventure dhe për klientët e mi, besimi i të cilëve bën gjithçka të mundur.